دخلت الإعلامية بسمة وهبة في نوبة بكاء شديدة، وذلك على هامش حلقتها مع الفنان محمد فؤاد، عبر برنامج “العرافة” والذي يذاع في رمضان 2023.
بسمة وهبة ومحمد فؤاد
وتسببت أغنية الفنان محمد فؤاد، “طمني عليك” بدخول بسمة وهبة في نوبة من البكاء، حيث تأثر بشدة، وظهرت عليها علامات الإنفعال لدرجة أنها طلبت منه التوقف عن الغناء قائلة “كفاية”، قبل أن تستسلم لدموعها.
ونشرت بسمة وهبة، عبر حسابها على انستجرام، مقطع الفيدية وعلقت على بكائها وقالت:” بص يا محمد يا فؤاد أنا بجد مش مسامحاك ومتشكرة ليك لان الأغنية بقيت اسمعها وعايزة أقول للسادة المشاهدين أن أغنية ممكن تكسر البني آدم من جوة”.
وأضافت:” وتحسسه بحزن شديد، زمان الأغنية دي لما كانت بتشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر”.
وتابعت بسمة وهبة:” بحب ولادي وواحشني، بحلم اني اشوفهم وسعيدة لما بشوفهم، مش مسامحة انك اتكيت على الحتة دي ودموعي تنزل مش هو ده الصح زعلانة منك، مدربة نفسي، الاغنية شغالة، كلمات الأغنية صعبة للي مفتقد شخص”.
وأردفت:” ولادي لما بيوحشوني بروح على صورهم واشوفها عشان تصبرني وانا ولادي مش عايشين معايا من صغرهم كل واحد في بلد”.
وتابعت بسمة وهبة:” انا كبرت وعرفت دلوقت اني كبرت لان مشاعري مش بتتحمل، بيوحشوني أكتر من الأول وبشتاق لهم اكتر من الاول ونفسي أعيش معاهم اكتر من الاول”.
واختتمت بسمة وهبة تعليقها قائلة: “أنا لولا اني بحترم المحطة كنت سبت الحلقة بس انا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعفي”.
تصريحات محمد فؤاد
وفي وقت سابق كشف الفنان محمد فؤاد، عن مفاجأة قوية عن حلقته في برنامج “رامز نيفر إند” برنامج المقال الجديد الذي يقدمه الفنان رامز جلال في رمضان 2023، وقال الفنان محمد فؤاد، في تصريحات تلفزيونية عبر البرومو الدعائي لحلقته المنتظرة في برنامج العرافة الذي تقدمه الإعلامية “بسمة وهبة” انه كان يعلم إنه ذاهب لتصوير مقلب برنامج رامز جلال.
وأضاف:” أنا مشوفتش أي حاجة فيها قلة أدب بصراحة، عارفين إن إحنا رايحين لرامز جلال، ودراعي كان هيتكسر واتخدش، وروحت وهروح له تاني”، وتطرق للحديث عن تصريحه إنه يتوقع نجاح عمر كمال أكثر منه، قال محمد فؤاد: هو أنا مجنون ولا إيه، أنا اللي عملت عمر كمال يعني”.