قلب الأسد والنجم اللي اتحسد. تفاصيل حلقة احمد السقا في رامز ليفل الوحش
حل النجم أحمد السقا مساء اليوم، ضيف في برنامج المقالب “رامز ليفل الوحش”، الذي يقدمه الفنان رامز جلال، عبر شاشة «MBC مصر» خلال شهر رمضان 2026.
وقدم رامز جلال أحمد السقا بطريقة ساخرة كعادته، قائلا: “فنان كبير أفلامه كلها علامات من نجوم الصف الأول لكن بقاله فترة متحول وساب الأفلام وبقى متجه للمشاكل والفيديوهات، وجيبته النهارده وعملتله فخ ويمكن لما يتحط في المفرمة عقله يرجعله ويخلع عرف الديك.. وهبقى عملت اللي عليا.. معانا قلب الأسد النجم اللي اتحسد أحمد السقا”.
وتابع:بقاله فترة تصرفاته غريبة واتجه للخناقات وبعدها راح للفيديوهات وبقى يهدد ليفربول ويهرتل في الندوات، و عشان انت بالنسبة لي أخ انا عاملك انهاردة فخ، انت محتاج صدمة ترجعك لمستواك عشان اللي بتعمله ده مش عمايل نجم شباك، معانا ومعاكم قلب الاسد، النجم اللي اتحسد، اللي هوقفه عند حده و أقوله لأ، أحمد السقا”.
بدأ البرنامج و كأنه برنامج ترفيهي بـ إسم “الرحلة” و تقدمه ألين وطفة، و شارك محمود السيسي المقلب مع السقا بكل مراحله المتتالية
و في أول مرحلة رفض السقا مساعدة محمود السيسي في التعامل مع الفراخ لكن اضطر بعدها أن يساعده، و سأل رامز السقا عدة أسئلة فقال له “تفضل ترجع لـ مها الصغير ولا ترتبط بزوجة أخرى”، فرد “أياً كان اللي بيتكلم ماحدش له دعوة بحياتي الشخصية عشان ماعملش جناية من فضلكم” فقال له رامز “انت بتهددني”، و سأله ثاني سؤال قائلاً “البوستات اللي انت كتبتها و بعدين انكرتها.. انت اللي كاتبها ولا أختك” قال “لا انا ولا أختي”، و كان آخر سؤال “مين بتحب الاكشن بتاعه محمد رمضان ولا أحمد العوضي” لكن السقا لم يرد.
و بدأ السقا ينفعل على محمود السيسي و يقول أنه لا يرى أي شيء و أنه داخ في مرحلة الغسالة و لعبة الزهر، أما في مرحلة الغابة فتمسك السقا بمحمود السيسي و لم يتركه وقت ظهور الشمبانزي، و بقي السقا هادئاً طوال مرحلة ليفل الوحش و عرف رامز قبل أن يخلع الماسك
