قالت الإعلامية ياسمين عز: “دكتور الأسنان صوته شتوي ونادرًا أما يتعصب، وأي واحدة تروح تكشف عنده بتنسى الألم وتطلع مبسوطة.. زي الساحر.. يا حظها الجميل اللي تتجوز طبيب أسنان”.
وخلال تصريحات ببرنامجها “كلام الناس” عبر فضائية “إم بي سي مصر”: “متلاقيش حد عنده إخلاص زي طبيب الأسنان.. هو بيقعد 7 سعاعات ايده في “بق” المريض”.
وتابعت: “لو اتصلتي بجوزك ومش بيرد اعرفي انه ماسك “بق” مريض وقاعد يظبط أسنانه.. مش بيخونك مع واحدة تاني يعني”.
وفي وقت سابق وجهت الإعلامية ياسمين عز مجموعة نصائح للسيدات قائلة: “حطي لحماتك البيت كله.. واعزميها تبات عندك يومين أو تلاتة في التلج اللي إحنا فيه ده.. وطلعي ليها “النيش” كله.
وخلال تقديم برنامجها “كلام الناس” عبر فضائية “إم بي سي مصر” تابعت عز: “حبي حماتك أم جوزك حبيبك فرعونك تاج راسك، وادي لجوزك فلوس من مرتبك عادي”.
ياسمين عز
قالت الإعلامية ياسمين عز: “اللي متجوزة موظف بنك بيتحسدوا.. الراجل ده بيكون شيك أوي.. وريحة البرفيوم بتاعه بتكون واصله لآخر الشارع.. ومن حقك تغيري عليه”.
وخلال تقديم برنامجها “كلام الناس” تابعت عز: “موظف البنك عدى مستوى الأناقة.. وصوته صيفي لأنه راجل.. وتلاقيه واقف مع العملاء بيتكلم بخشونة صيفية”.
وواصلت عز: “الراجل ده بيكون مر بكل الضغوط.. وخبير في فنون التعامل مع البشر.. وثباته الإنفعالي عنده بيكون أكتر من ياسمين عز، ومن قبل ما تطلبي منه الحاجة بيكون عارفها ويجيبهالك”.
وأكملت عز: “موظف البنك بيكون أمين عليكي.. وعمره ما يطمع في فلوسك.. وعنده ميزة أنه بيوصل البيت يقفل موبايله من صداع العملاء طول اليوم يا حبة عيني”.