قررت جهات التحقيق بالجيزة تحديد أولى جلسات محاكمة 4 أشخاص المتهمين بقتل شخص بسبب خلافات على قطعة زراعية بمنطقة أوسيم مستخدمين عصا وفأسا وأدوات حديدية، حتى قضوا عليه، فتم القبض عليهم ووالدهم، ليكون 17 فبراير أولى جلساتهم.
جريمة أوسيم
حصلنا على نص التحقيقات في القضية وبمثول المتهم الثاني مصطفي. م. م 29 سنة ومقيم في بشتيل أوسيم، جاءت أقواله: اللي حصل إن من فترة كان في حمار بتاع ولاد غريب زكي دخل الأرض عندنا ولما جينا نكلمهم واحد اسمه يوسف زكي راح اتكلم معانا بأسلوب وحش وشتمنا بس الموضوع عدا واتلم وإمبارح لقينا زيدان ومحمد وزكي جايين عندنا البيت وعمالين يقولوا لو في راجل ينزل وكانوا ماسكين عصيان في ايدهم ولما نزلنا نشوف في ايه راحوا ضربونا وروحنا تعمل تقارير ومحضر راحوا اخدونا على المركز وجابونا على هنا النهاردة.
وتابع المتهم الثاني أقواله أمام جهات التحقيقات: الكلام ده حصل امبارح 23 /1/ 2023 الساعة 6 مساء عند البيت في بشتيل، كنت في البيت انا وأخواتي أحمد “المتهم الأول” وإبراهيم “المتهم الثالث”، واحنا جيران وأقارب وساكنين في شارع واحد، والسبب في إصابتي زكي وكان ماسك سنجة وضربني بيه على راسي ومحمد كان ماسك شومة وضربني بيها على دراعي الشمال، لما انضربت كنت تعبان.
وأردف المتهم الثاني خلال أقواله أمام جهات التحقيقات: وقتها أنا شوفتهم كانوا جايين علينا وماسكين عصيان وسنجة وتهجموا علينا وشتمونا، وهما قعدوا يقولوا لو في راجل ينزل وتهجموا علينا تحت البيت وكانوا ماسكين عصيان وسنجة وبعد كده ضربنا إحنا الاثنين في بعض، ولما تهجموا علينا وجوم شتمونا وزكي ضربني بالسنجة على راسي ومحمد ضربني بالشومة على دراعي الشمال.
وأضاف المتهم الثاني، خلال أقواله أمام جهات التحقيقات: كل اللي حصل ده بسبب الخلافات والمشاكل القديمة اللي بسبب الحمارة بناعتهم، وهما اتعدوا علينا ماسكين أسلحة بيضا، ومحمد كان ماسك شومة وزكي كان ماسك سنجة، واللي حصل إني متعور في رأسي من ناحية الشمال وفي دراعي الشمال، وضربني ضربتين على رأسي ومحمد، ضربني ضربة واحدة على دراعي الشمال، ومحمد غريب ضربني بالشومة على دراعي وزكي ضربني بالسنجة على رأسي.
