الشعلة

ماتت رعباً.. وفاة طبيبة مصرية بعد مطاردة من الكلاب الضالة

شهدت منطقة حدائق الأهرام بمحافظة الجيزة، واقعة مأساوية، إذ لقيت طبيبة مصرعها بعد إصابتها بأزمة قلبية خلال مطاردة كلاب ضالة لها في الشارع أثناء سيرها ليلًا في العاشرة مساءً.

 

تلقت مديرية أمن الجيزة اخطارًا من المستشفى بوصول طبيبة شابة تدعى نورا سعيد مصابة بأزمة قلبية وفارقت الحياة قبل إنقاذها.

 

 

تحريات النيابة بشأن وفاة طبيبة خوفاً من الكلاب الضالة

 

وأشارت التحريات إلى أنه أثناء سير الطبيبة في الشارع فوجئت بهجوم عدد من الكلاب الضالة عليها والإحاطة بها فحاولت الإفلات منهم والجري في الشارع حتى طاردوها مسافة طويلة، لكنها كانت ترتعب منهم خائفة وأدى ذلك إصابتها بأزمة قلبية ووفاتها.

واستقبل عدد من سكان المنطقة، وفاة الطبيبة بحالة من الغضب والحزن وطالبوا بتخليصهم من تلك الكلاب التي أصبحت تشكل رعب للأهالي والأطفال والسيدات والفتيات.

والتقت مراسلة جريدة أهل مصر، بأحد شهود العيان القاطنين في منطقة حدائق الاهرام، والذي كان شاهدًا على واقعة وفاة الطبيبة.

 

وقال “الشاب”، في تصريحات خاصة لـ”أهل مصر”: “أنا عرفت بعد وفاتها إن الدكتورة  كانت رايحه تجيب هدية لجوزه في حدود الساعة 10 مساءً، يوم الاثنين، والكلب شافها وبدأ يزوم عليها وهجم عليها وهي جريت بسرعة عشان تهرب منه.. وهي بتجري اتكعبلت والكلب مشي وسابها، ولما جات تقوم مقدرتش تقوم وقعت تاني وبعدين حاولت تقوم لكن مقدرتش ووقعت وماقمتش خالص”.

 

وأضاف: “اللي سمعته الكلب اتهجم عليها وكان بيحاول يشد الكيس اللي معاه والدكتورة بتعافر معا وبعد ما شدت الكيس الكلب جري وراها والوقت دا مش بيبقى في حد في الشارع، والدكتورة فضلت 5 دقايق واقعة على الأرض، والعربيات بتعدي جنبها لكن مش شايفنها، وأنا وقتها كنت رجع من التمرين لقيتها واقعة قدام البيت حاولت أفوقها مفقتش وسمعت نفسها وهي بتغشلق يعني كانت روحها بتطلع”.

 

وأكمل: “حطنها في عربية عشان تروح المستشفى وهناك كانوا بيعملوا ليها محاولات عشان تفقو بالإنعاش وصدمات الكهرباء لكنها مافقتش بسبب السكتة القلبية، واخواتها كانوا في المستشفى معاها ووالدتها عرفت تاني يومي”.

 

وتابع: “المنطقة بيكون فيها كلاب كتير بشكل ملحوظ، الكلاب هنا بتجري وراء العربيات ووراء الناس، وياريت يحصل حملة نظافة من الكلاب ويتوزعوا في أماكن تاني، في ناس بتعطف عليهم تنزل ليهم اكل، والكلاب دي مش سعرانة”.

مقالات ذات صلة

اسعار الذهب في مصر بمستهل تعاملات اليوم الجمعة 9-2-2024

admin

في ظل فراغ سياسي.. لبنانيون يحرقون المصارف للمطالبة بأموالهم

admin

سعر الدرهم الإماراتي أمام الجنيه المصري في تعاملات اليوم الأحد 11-2-2024

admin