” جوزي كان بيطلب مني أصور نفسي كتير وكنت فاكرة أنه بيطلب مني كدة عشان بوحشه ” بتلك الكلمات روت زوجه لتحيا داخل محكمة الأسرة عن زوجها الذي خدعها ونشر صور ومقاطع فيديو لها علي المواقع لغرض جذب المال .
جوزي عنده إعاقة في رجله منعاه من الشغل وأنا اللي بصرف عليه
بدأت الزوجة حديثها :” أنا وجوزي متجوزين من 3 سنين ولسة ربنا مرزقناش بأطفال ومن حوالي سنتين جوزي كان ماشي في الشارع وجت عربية خبطته خبطة جامدة نتج عنها أنه مبقاش يمشي علي رجله تاني وأنا عشان بحبه قولتله أرتاح أنت في البيت وأنا هنزل وأشتغل وهفضل في ضهرك “.
القعدة في البيت غيرت جوزي وبدأ يطلب مني حاجات غريبة
وتابعت :” نزلت وأشتغلت في عيادة والمرتب اللي كنت باخده كنت بصرف بيه علي البيت وبدي جزء منه لجوزي عشان ميحسش أنه عاجز أو محتاج حاجة لكن هو مع الوقت القعدة في البيت غيرته والفلوس اللي كنت بديهاله مكنتش بتعجبه ولا بتكفيه وبقي بيطلب مني طلبات غريبة جدا زي أني أصور نفسي وأنا بستحمي أو بغير هدومي وكان أوقات كمان يصورني هو وأنا نايمة أو وأنا بنضف الشقة وبكنس وبمسح ولما اسأله ” لية الصور دي ؟” يقولي ” عشان بتوحشيني وبتسيبيني في الشغل وقت طويل فببقي عايز أشوفك طول الوقت قدامي “.
طلع بينشر صوري علي المواقع عشان الفلوس
وأختتمت :” فضلنا وقت علي الحال ده وكنت بتصورله كل الصور اللي هو بيطلبها لحد ما في مرة بالصدفة كنت بعمل حاجة علي تليفونه ولقيت واحد باعتله فيديو ليا وبيقوله ” مراتك حلوة أوي ما تسلفهاني شوية ” جالي أنهيار وفضلت أبكي وأصرخ فيه ” بقي أنا بنزل كل يوم أشقي وأتعب عشان أشيل عنك وفي الاخر توري لحمي للغريب ؟” خدت الأدلة اللي تثبت أنه عمل فيا كدة وروحت للمحكمة أرفع عليه دعوي طلاق للضرر ولأخر يوم في عمري مش مسمحاه ولا هدعي في قلبي غير أن ربنا يعرفه قيمتي ويحسره عليا بقية حياته