شنت الفنانة فريدة سيف النصر، هجومًا حادًا على منتقدي مسلسل “الضاحك الباكي” الذي يتناول قصة حياة الفنان نجيب الريحاني، لانتقادهم المسلسل منذ حلقاته الأولى.
حيث كتبت “فريدة” من خلال حسابها الرسمي على موقع التواصل الاجتماعي “فيس بوك” منشورًا قالت فيه: “نجيب الريحاني.. لما الصحافة والمواقع تفتح عينك علي سؤال واحد إيه رأيك في الضاحك الباكي والهجوم عليه.. وأسئلة غريبة هرد واقول بالتفصيل.. اه بتفرج ده محمد فاضل يعني.. اللي اتشرفت بمسلسل الشارع الجديد معاه”.
فريدة سيف النصر: شابوه لعمرو عبد الجليل
وأضافت: “وهجوم ليه هو احنا لسه شوفنا ربع العمل حتي يا ساتر يارب.. تعالوا نحب الخير لبعض الموت مش بعيد عن أي حد كبير أو صغير بلاش كده.. نحكم قدام شويه.. أعمال كتير بدأت قوية وحركات وابهار وخفتت وماتابعنهاش.. وأعمال بدأت بسيطة وشوية شوية شدت وعليت وفي أعمال حدث ولا حرج قمة هجومكم ينفع معاهم لكن لاه انتم مركزين هنا ماعرفش ليه؟ ياحبايبي مش كده والله يأولاد ويابنات خليكم منصفين وأصحاب أقلام شريفة… اصبروا ماتبقوش محضرين السكاكين كده..مفضوحة يعني الطريقة ليه كده..لا حول ولاقوة الا بالله”.
واختتمت: “وعلي فكره عمر عبد الجليل.. فجأة بقي الريحاني وعلشان أنا اقتنع وأصدق كاممثلة.. فالازم اقول له برافو قلعت عمر وفرملته بمفرداته بره الاستديو وليست نجيب أو لبسك شابووووووو. واصبروا عالذبح سموا الأول ياجزارين الفن”.
