على طريقة عمرو مصطفى.. مدحت صالح: هنستخدم التكنولجيا في احياء الأصوات القديمة ونخليها من مواليد 2023
كشف الفنان مدحت صالح عدد من التصريحات خلال مؤتمره الصحفي الذي عقد منذ قليل في دار الأوبرا المصرية للكشف عن مشروعه الفني، الذي أتى بعنوان “مدحت والكبار”.
مدحت صالح: لازم نلحق التطور اللي حاصل في التكنولجيا في احياء الأصوات القديمة
تحدث مدحت صالح خلال المؤتمر عن التطور التكنولجي واستخدامه في الفن، حيث قال: محتاجين نلحق التطور التكنولجي في احياء الأصوات القديمة ونخليها من مواليد 2023 وده عن طريق تقنية بتاخد الصوت فقط من كل اللحن وتركب عليه مزيكا جديدة وده مشروع كنت مقدمه للدولة وبشتغله على نفسي دلوقتي، وده تطور حاصل في المزيكا ولازم نلحقه.
مدحت صالح: نعيد تقديم تراثنا بشكل مختلف والفن حب
وتطرق مدحت صالح بحديثه عن إقتباس الأعمال الفنية بعضها من بعض، فقال: إحنا بنعيد تقديم الألحان والأغاني القديمة بشكل مختلف، وأخدنا من الرحبانية شط اسكندرية وده بيخلي فيه رسايل ود ومحبة وبنخرج برة الإطار ان يتحول الفن والإعلام إلى إعلام رياضي أو يكون حد ضد حد، الفن هو حب وزي ما فيه ناس بتحبنا لازم نقولهم إن احنا كمان بنحبكم، ولازم أي فنان مصري يختار أعمال لفنان برة الإطار المصري عشان ده هيقرب مسافات كبيرة جدا وهيعمل رد فعل إيجابي عظيم.
جدير بالذكر، أنه يهدف المؤتمر الصحفي الذي بدأه مدحت صالح منذ قليل الى اعادة احياء كوكبة من اهم اعمال الموسيقى العربية لكبار الملحنين المصريين والعرب ، يحضر المؤتمر الدكتور خالد داغر رئيس دار الاوبرا المصرية والنجم مدحت صالح مع مجموعة من الإعلاميين فى مختلف وسائل الاعلام المقروءة والمسموعة والمرئية والمواقع الالكترونية .
أخر اعمال مدحت صالح
يذكر، أن أخر أعمال مدحت صالح مشاركته في مسلسل وبينا ميعاد إلى جانب كلا من النجوم صبري فواز وشيرين رضا وبسمة، وفاء صادق، خالد أنور، محمد سليمان، نادية رشاد، داليا شوقي، وعدد من النجوم الشباب وهم يوسف الكدواني، أسامة الهادي، داليا شوقي، يوسف ابراهيم، اية سليم، وحقق العمل نجاحا كبيرا خلال فترة عرضه على شاشة قنوات دي ام سي.
