فجرت الفنانة أنغام عدة تصريحات في المؤتمر الصحفي المقام أمس الخميس الموافق 25 يناير على هامش حفلها مع المطرب تامر عاشور في الرياض.
أنغام تعلق على حفلها مع تامر عاشور
وقالت أنغام في تصريحات لها: تجربة مختلفة وجميلة وراقية ومكنش ينفع تتعمل إلا إذا الرصيد كبير ولازم صوتين يكونوا بيحبوا بعض ولايقين على بعض، وبشوف تامر عاشور من أكتر الفنانين اللي أنا بشوفهم بحبهم وبحترمهم وبشوفهم قادرين في زمن قصير وماشاء الله عمل رصيد كبير وعمل موسيقى محترمة واغنيته بتطلع على المسرح قيمة جدًا ولما اخترنا بعض نعمل ده على المسرح كنت شايفة إنه هو ده الأنسب والاجمل والحمد لله وفقنا.
أنغام تعرب عن سعادتها بحصولها على الإقامة الذهبية في السعودية
وتابعت عن حصولها على الإقامة الذهبية في السعودية: مفيش شكر يوفي المملكة على كل اللي بتقدمه للفن وللفنانين وللموسيقى بالأخص وتقديرها واحترامها للفنانين المصريين وأنا منهم على رأسي وعلى رأسنا كلنا واللي شايفين الدنيا صح وبالطريقة المظبوطة بالقلب النقي والصافي واللي شايف مستقبل مصر والمملكة مستقبل كبير وعظيم في ضهر بعض وسند لبعض بالتأكيد إنه شرف كبير ليّا إني أخد إقامة ذهبية من المملكة.
وأضافت، ولو إني بشوف إني بنت البلد وأنا عمري ما حسيت إني غريبة ولا غريبة على البلد ولا أهلها ولكن الإقامة الرسمية اكيد فرحتني.
أنغام تطرح أغنية حلفونا
هذا وطرحت أنغام أغنية حلفونا، من كلمات مصطفى حدوتة، وألحان إيهاب عبد الواحد وتوزيع نادر حمدي، وتقول:
كلمات اغنية حلفونا أنغام
آدي بلدنا وآدي الرجالة جاهزين
مين يتعدى حدوده ع المصريين
آدي الأرض وآدي الرجالة واقفين
مسكنا ف ايدنا كتاب وحلفنا يمين
حلفونا حلفونا
ع الامانة اللى ف ايدينا
حلفونا حلفونا
ان احنا نشيلها ف عنينا
حلفونا حلفونا
ع الامانة اللى ف ايدينا
حلفونا حلفونا
عمرنا مانفرط فى سينا
بلدى ترابها دهب وحجرها ياقوت
لو هنموت علشانه اهلاً بالموت
قد الدنيا ف ايد بعضنا ماسكين
ومع الحق وقفنا ومش ساكتين
ام الدنيا ووعد الحر ده دين
تفضلي حرة يامصر ليوم الدين
حلفونا حلفونا
ع الامانه اللى ف ايدينا
حلفونا حلفونا
ان احنا نشيلها ف عنينا
حلفونا حلفونا
ع الامانه اللى ف ايدينا
حلفونا حلفونا
عمرنا مانفرط فى سينا
احنا تاريخنا ف كل كتاب مكتوب
عُمر المصرى ماخاف ولا بات مغلوب
قول يا تاريخ ولا اسكت واحنا نقول
احنا شداد على ايدنا الش تزول
جيل بيورث جيل جدع واصول
أرضي هتفضل أرضي ده باب مقفول
حلفونا حلفونا
ع الامانة اللى ف ايدينا
حلفونا حلفونا
ان احنا نشيلها ف عنينا
حلفونا حلفونا
ع الامانة اللى ف ايدينا
حلفونا حلفونا
عمرنا مانفرط فى سينا