الشعلة

“جوزي بيبعت صوري بقميص النوم للرجالة عشان الفلوس”مأساة هاجر أمام محكمة الأسرة

“جوزي عمل نفسه واحدة ست وبعت صوري لرجالة علي النت عشان يصدقوه ويبعتوله فلوس”.. بتلك الكلمات روت هاجر قصتها من امام محكمة الأسرة عن زوجها الذي أستغل جسدها وأصبح يكتسب من وراه المال من خلال مواقع التواصل الأجتماعي.

جوزي عاطل بقاله سنتين ومش راضي يشتغل

بدات هاجر حديثها :” جوزي كان شغال سواق علي عربية وكان بيسترزق بيها والحال كان ماشي و من سنتين العربية دي عملت حادثة و أتكسرت وبقيت محتاجة فلوس كتيرة لتصليحها , يمكن بنفس تمن أنه يشتري واحدة جديدة واحنا مكنش معانا يكفي لكل ده راح جوزي قعد في البيت من غير شغل سنتين الحال بينا ضاق جدا وانا عندي ولد وبنت ومحتاجين أهتمام مني ومصاريف من أبوهم ف قررت أشتغل أنا عشان الدنيا تمشي والظروف تتسهل “.

بقيت بخدم في البيوت

وتابعت هاجر :”روحت خدمت في البيوت بيومية طلبت من جوزي كتير يدور علي شغل بس كان بيقولي أن السواقة هي الشغلانة الوحيدة اللي بيفهم فيها ف طلبت منه يقدم علي شغل في شركات أو مدارس أو أشخاص بيبقي عندهم العربية بس محتاجين سواق شاطر لكنه رفض كلامي بشدة وقالي رجولتي متسمحليش أشتغل عند حد ويديني أوامر وأكل عيشي يبقي في أيده “.

لقيت صوري وانا نايمة بقميص النوم علي تليفون جوزي

وأستكملت :” كنت بقلب في مرة في تليفون جوزي وشوفت اللي مكنتش أتمني أبدا أشوفه , لقيت صور ليا وأنا نايمة ولابسة قميص نوم وصور تانية وأنا من غير هدوم خالص  دخلت بسرعة علي الفيس بوك بتاعه , لقيته عامل صفحة وهمية وبيكلم عليها رجالة علي أنه واحدة ست  فتحت المحادثات ولقيت الرجالة بتطلب منه صور مثيرة مقابل أنهم يدوله مقابل مادي وهو بيبعتلهم صوري وانا نايمة وصور تانية لما كنت بغير هدومي قدامه وقمش لابسة حاجة و معرفش أنه بيصورني وطلع كسبان من ورا الكلام ده فلوس قد كدة واللي أكتشفته كمان أنه كان بيكلم واحدة وبيتفق معاها أنها تعمل تسجيلات معينة بصوتها عشان يبعتها للرجالة دي ويديها نسبة معينة من الفلوس اللي هياخدها منهم “.

ضيع شرفي ودمر حياتي

وأختتمت :” لما واجهت جوزي أني عرفت وشوفت كل حاجة بعيني علي تليفونه قالي لو مش عاجبك روحي علي بيت أهلك وأجيب واحدة غيرك وتتصور كمان بمزاجها ” أتقهرت ومبقيتش عارفة أوري وشي للناس  جوزي اللي المفروش يبقي أول واحد يخاف علي شرفي رماه في الأرض عشان خاطر الفلوس لا وكمان كان سايبني أشتغل وأتمرمط في البيوت عشان اأكل عيالي  لجأت للمحمة عشان أعمل طلاق للضرر وأملي في ربنا وفي القانون كبير أنهم يجيبولي حقي “.

مقالات ذات صلة

شاهد.. الصور الأولى لجريمة قتل هزت مصر قرب المحكمة والجاني يدلي باعترافات صادمة

admin

المؤبد لـ سيدة وعشيقها في قضية تعذيب واحتجاز زوجها بـ بولاق الدكرور

admin

فيديو لرجل مصري يضرب زوجته بوحشية يشعل التواصل

mohamed