اعلنت الاكاديمية المهنية للمعلمين عن فتح باب الترقيات للمعلمين الذين امضوا خمس سنوات خدمة فعلية فأكثر، وذلك من اجل الترقى من الوظيفة الحالية الى الوظيفة الاعلى
ونستعرض شرح جميع الخطوات المطلوبة لترقيات المعلمين 2016، والتى جاءت كالتالى:
فتح موقع المدرسة الاكاديمى
1- بيقوم مسئول الحكومة الالكترونية بالمدرسة بفتح موقع المدرسة للأكاديمية علشان يشوف اسماء المستحقين لترقية وبينزل المستحق على مراحل يعنى بتفضل سنة كاملة فى حصر المستحقين للترقية علشان محدش يقول أنا ليا ومش نزلت ونفضل نطمنكم.. علشان تتطمن تروح تتطلع صحيفة أحوال تشوف اخر تاريخ ليك مثبت ٢٠١٦ او ٢٠١٧ تتابع مع مسئول المدرسة وعلشان تتطمنوا ان مافيش إهمال من مسئول الحكومة الالكترونية فى المدرسة كل ١٥ يوم بينزل مسئول المدرسة طباعة ورقة المستحقين للترقية من على الموقع كل واحد يتابع مع المسئول قبل كل ده لازم تراجع بياناتك بنفسك فى قسم الاحصاء او من على موقع المدرسة أو من صفحتك الشخصية صفحة المعلم الموظف فى حالة خطأ فى اى بيان بيطلب منك مراجعة قسم الاحصاء.
بتروح الإدارة التعليمية التابع لها بتجيب منها اخر تقريرين
تبدأ تراجع من دلوقتى علشان فى إهمال بعض المدارس ومش بتودى التقارير السنوية أو بتنسى حد من المستحقين للترقية نظرا لندبه جزئيا خارج المدرسة أو فى مأمورية طويلة أو مثلا فى سوء تفاهم بينه وبين المدير او اى احد فى المدرسة بيحصل نوع من أنواع السهو مقصود أو غير مقصود يبقى انت بنفسك بتروح من دلوقتى قسم التقارير تراجع تقريرك السنوى سنتين ورا بعض
إقرار المدة البينية
إقرار المدة البينية بيقدم لمسئول الحكومة الالكترونية فى المدرسة لعمل المدة البينية او استكمال المدة البينية
مرحلة التقييمات وملف الانجاز
تبدأ مرحلة التقييمات وملف الانجاز مش تعمل حسابك أن مسئول الحكومة الالكترونية هيعملك ملف الانجاز ممكن تتطوع منه فى بعض الأحيان لكن مش إجبار ولا إلزام الدور ده تبعك انت بتفتح ملف الانجاز وتجاوب عليه بنفسك اوعى تهمل ملف الانجاز ده اكبر مشكلة قابلتنا فى تقييم كانوا كتير جدا مش عملوا ملف الانجاز فتم استبعادهم من الترقيات وكمان أصبحوا تخلفات وفى ناس نائمة خالص وبعد سنتين جاية تقول انا كنت فى الترقيات ومش نزل أسمى ده من ضمن الأسباب المهمة تواكلك على غيرك فى مصلحتك.
دور تقييمات المدير والتوجيه
لازم بعد ما تخلص ملف الانجاز والمدة البينية وبيجى دور التقييمات المدير والتوجيه ولجنة الإدارة يكتمل الملف الدائرة الخضراء كده اكتملت ترقيتك تنتظر شهادة الصلاحية الأكاديمية
وبعدها ب ٤ شهور بتنزل الملزمة فيها اسمك وتقولك مبرووك.
الملخص
١- تابع يومى أو اسبوعى اسمك على قاعدة المدرسة عن طريق مسئول الحكومة الالكترونية بالمدرسة
٢- راجع تقاريرك السنوية فى الإدارة
٣- ادخل بنفسك استكمال ملف الانجاز ولا تتركه للاعتماد على أحد
٤- لا تقلق فى حالة عدم نزول اسمك ضمن المستحقين لأن الاسماء بتنزل على مراحل تبدأ من اول شهر الى اخر شهر فى السنة
٥- بالتوفيق للجميع أن شاء الله