انتقد الموسيقار الكبير هاني شنودة تقنية الذكاء الاصطناعي، التي بدأت تنتشر مؤخرا.
هاني شنودة ينتقد الذكاء الاصطناعي
وقال شنودة في مداخلة هاتفية مع الإعلامي سيد علي ببرنامج حضرة المواطن، على قناة الحدث اليوم:”لازم المبدعين وجميعة المؤلفين والملحنين والنقابة والقانونيين ومجلس الشعب يقعدوا مع بعض يشوفوا نعمل قوانين للذكاء الاصطناعي لأنه هيمس الماضي مش الحاضر بس”.
وتابع:”لو حد جاب حد من النجوم وحزمه ورقصه مسؤولية مين؟، حفيدي هيشوف الحاجة دي ويقول أهو ده اللي كنتوا بتقولوا عليه أهو قاعد يرقص بلدي اهو على واحدة ونص”.
وأضاف هاني شنودة في حديثه:” ممكن بالذكاء الاصطناعي ده يشوه الماضي ممكن تعمل عبد الناصر بيغني، مينفعش، أصل فيه حدود، و الحدود دي لازم كل الناس مع بعض المبدعين والقانونيين يحطوها، أن شاء الله بكلم رئيس اللجنة بمجلس الشعب الجهة القانونية ونتناقش ونقول نعمل كذا و هكلم النقيب عشن يدعوا أننا نجتمع كلنا ونتكلم عن القوانين دي”.
وأكمل:”فيه رموز لا تمس عبد الحليم وأم كلثوم وعبد الوهاب وفريد مؤسسة كاملة، دول يتسابو دول الماضي بتاعنا والجذور اللي نمنيا عليها، لا يمسوا ولا نخليهن يغنوا ولا يرقصوا”.
