وجهت الفنانة المعتزلة ميار الببلاوي، رسالة إلى الفنانة إلهام شاهين، طالبتها خلالها بعدم التحدث في الدين، والاكتفاء بالتحدث في الفن فقط.
وقالت “ميار” خلال لقائها في برنامج “قعدة ستات” المُذاع على قناة “القاهرة اليوم”: “أنا خريجة المعهد العالي للدراسات الإسلامية، ومعايا ماجستير في الفقه المقارن، ودكتوراه في الخطاب الديني، وإجازة للفتوى، أنا قولت لإلهام شاهين انت أستاذة بتتكلمي في الفن اتكلمي في السياسة بس بلاش الدين، عشان ماسمعش حديث غلط، ماسمعش إن في ناس بتغلط في علماء الدين، إياكم ورجال الدين”.
ميار الببلاوي عن إلهام شاهين: كلامها في الدين خلاها في سابع أرض
وأضافت: “اتسألت عن إلهام شاهين في برنامج وقولت أنها في سابع أرض، عشان مش بحب حد يتكلم في الدين بلا خلفية دينية، هي اللي حاطة نفسها في هذا الموقف، ليه نتكلم في الدين، ليه نتريق على رجال الدين والشيوخ والفتاوى”.
وأكملت: “هي بتتكلم عن الشيوخ بتوعنا، حتى لو الشيخ غلط هو له أهميته ووقاره، والحديث بيقول إياكم ولحوم العلماء فأنها مسمومة، اتكلمي براحتك بس لا تتعرضي للآيات أو للأحاديث”.
