لقاء الخميسي تعلق على الحجاب: حتة قماشة على الصدر.. وأنا مسلمة بالوراثة
تحدثت الفنانة لقاء الخميسي عن ديانتها، إذ أشارت إلى أنها تعتنق الديانة الإسلامية عن طريق الوراثة، ولكنها لم تُسأل عن أي ديانة تُفضل الانتماء لها، وذلك بسبب أنها ولدت وجدت والدها مسلمًا فورثت منه ديانته مثلما ورثت جنسيته.
وقالت لقاء الخميسي خلال تصريحات تليفزيونية: إحنا بنورث دينا، حد مبيورث الدين من الأب، أنا مصرية بالوراثة ومسملة بالوراثة، وأخدت دين أبويا، ولم أُسأل أنا عايزة أبقى إيه، هل ده ليه علاقة من أني مصرية، هل دا تقليل من ديني؟، أنا واضحة بشكل كافي ومش مجبرة أقول حاجة ليها معنى تاني، إحنا واخدين دينا بالوراثة.
وتابعت لقاء الخميسي: كان ممكن أصحى من نومي الآقي أبويا مسيحي وأبقى مسيحيلة، أنا مخترتش الناس بتعاقبني ليه؟، لو ليا جار مسيحي أنا مبحبوش بعقابه ليه؟، هو ماله هو صحي لقى أبوه مسيحي المفروض ينتحر أو أموته مثلا؟، المسلمين والمسيحيين بالوراثة، أنا أنتيم عمري مسيحي، هل معناه أني أنا مسلمة والمسيحيين وحشين؟
لقاء الخميسي: النقاب غير مذكور في القرآن
وأضافت لقاء الخميسي: النقاب غير مذكور في القرآن، وعمري ما قلت إنه مُبتدع، وربنا قال “وليضربن بخمرهن على جيوبهن”، هي حتة قماشة على الصدر،
واستكملت لقاء الخميسي: في 3 أصحابي فقط في حياتي، عرفتهم قبل محمد عبد المنصف، هم إيهاب العدلي ده كان بيلبسني من وأنا لسة في المعهد، وجرجس مهندس ديكور وكان معايا في المعهد، وأدهم انتيمي سوري، وحاليا كل واحد مننا في حتة.
