كندة علوش عن مشاركتها في فعاليات مهرجان فينسيا: عمرو اللي شجعني ووجوده معايا فرق

كشفت الفنانة السورية كندة علوش، عن تفاصيل تجربتها في فيلم نزوح، والذي تم عرضه بمهرجان فينسيا السينمائي الدولي ودعم زوجها الفنان عمرو يوسف لها

تصريحات كندة علوش عن فيلم نزوح

وقالت كندة خلال تصريحات تلفزيونية: ” الفيلم ده بالنسبة لي حقق حاجات كتير أوي في فيلم واحد، حقق إني أعمل دور أنا عشقته ودراميًا وفنيًا مكتوب بشكل جميل، وبيتكلم عن قضية إنسانية بشكل حساس، وبيدافع عن المرأة والإنسان وحريته، وفوق كل ده بيتكلم عن قضية شعبي اللي هو طول الوقت تخصني”

وتابعت: “مش مهم الخط السياسي في الفيلم، المهم الخط الإنساني، لو أي حد ميعرفش حاجة عن القضية السورية وشاف الفيلم هيلامس الفيلم، لأن قصة الفيلم بسيطة جدًا رجل ومرأة وأسرة وابنة في ظرف استثنائي وهو الحرب، إحنا في عالمنا بنخاف في من كلمة نسوي وبنعتبرها تهمة، ولكن الفيلم ناقش القضية بطريقة شديدة الذكاء”

وأضافت: “الفيلم بيوضح إن يمكن الرجل قادر على حمل السلاح ويقتل، ولكن المرأة ممكن تغير مصير شعب كامل بابتسامة، فنقول تحية لكل الأمهات السورية لأنهم بيدفعوا ثمن غالي جدًا للحفاظ على نفسهم وأسرتهم”.

واستطردت: الفيلم صعب وظروفه صعبة، مش تصوير متدلع، ده من المشاريع اللي كان نفسية وجسديًا مرهق، ولكن أنا دايمًا بحس إنه على قد التعب بتيجي النتائج.

دعم عمرو يوسف لزوجته كندة علوش

وأردفت: أنا كنت واخدة قرار لما خلفت إني مش هشارك في في أي فعاليات فنية ولا مهرجانات، ولكن عمرو شجعني وقالي إنتي حطيتي روحك في الفيلم ده، لو رحتي أقل من 48 ساعة مش هيحصل حاجة، وده اللي شجعني حقيقي.

واختتمت كندة حديثها قائلة: وجود عمرو معايا فرق من الأرض للسماء، ووقف تصويره يومين وجه، فرحته بالفيلم خلاني قوية، وهو نسي إمبارح إنه نجم وفضل يصورني، وأنا في العادي اللي بقوم بالدور ده ومبحبش أشيله هم ده.