قال المهندس كامل الوزير، وزير النقل، إن الدولة تسير بخطى ثابتة بتحسين إنتاجها وتوطين الصناعة.
وبشأن تخفيف الأحمال وانقطاع الكهرباء، عقب “الوزير”، خلال مداخلة هاتفية ببرنامج “على مسئوليتي”، المذاع عبر قناة “صدى البلد”، اليوم الثلاثاء، قائلًا:”أنا عندي التكييف كان شغال على 18 بقى بيشتغل على 25 عشان استهلك كهرباء عندي مروحة ونور استخدمهم”.
وأضاف: “أنا شغال في العاصمة الإدارية، لما بنزل من مكتبي ببص على كل الوزارات اللي جنبي واروح ابص على مبنى وزارة الكهرباء اكلم دكتور شاكر وزير الكهرباء اقوله انا واقف قدام الوزارة وفي لمبتين منورين، وابص الناحية التانية عند وزارة الإسكان أكلم الوزير يا دكتور عاصم انتا عندك دور منور هو انتا لسة موجود في المكتب”.
وأكمل: “اية المانع نخفض استهلاكنا ونطفي الشوارع الرئيسية هو احنا مش بنستورد السولار والمازوت والغاز بالعملة الصعبة، اللي اتريقوا في اول الأزمة وقالوا مصر منورة ولكن ألمانيا مطفية لا دا ألمانيا عارفة الصح لأنها دولة عظمى”.
واستطرد: “اية المانع اقتصد شوية في الاستهلاك نستحمل وهتعدي، اعتقد موضوع تخفيف الأحمال وانقطاع الكهرباء لمدة ساعة، الناس نفسها تفاعلت مع الحكومة، وبدء الاستهلاك يقل، والموجة كلها 15 يوم وتنتهي في نهاية شهر اغسطس”.
