تواصلت شركة إندرايف مع حبيبة أسامة، بعد تعرضها للمضايقة من سائق يعمل لدى الشركة بالإضافة إلى عمله في شركة أوبر، للوقوف على ملابسات الواقعة.
شركة إندرايف تتواصل مع حبيبة أسامة وتقرر حظر السائق
وأوضحت الفتاة حبيبة أسامة أن السائق افتعل مشادة معها عقب غلق تطبيق شركة إندرايف والعمل على تطبيق شركة أوبر، ليتمكن من الحصول على عائد أعلى.
وأوضحت شركة إندرايفر أن فريق الجودة بالشركة تواصل مع الفتاة وأخبرها أنه تم حظر السائق من العمل بالشركة، نظرًا للمخالفات التي ارتكبها مع الفتاة ومع أخريات، بالإضافة إلى عمله في شركة منافسة في نفس التوقيت.
وعن الواقعة قالت حبيبة أسامة: حصل بينا خلاف على أجرة لمشوار مطار القاهرة، وأنا قولتله ممكن توصلني اللوكيشن القديم وهديك فلوسك قالي هو اللوكيشن كان فين، قولتله نزلني قدام المطار فوقف مكان فيه ميكروباصات، وقالي اللوكيشن هنا قولتله ده اللوكيشن مش قولتلي إنه قدام المطار؟، قام مشي تاني وقالي هنزلك حتة أقرب لقيته بيدخل في شوارع وده مش طريق المطار، والطيارة لسه عليها نص ساعة وبيقفلوا الكاونتر فقولتله ممكن تنزلني هنا عشان ألحق أطلب حد تاني، مكانش راضي لحد ما زعقتله.
وتابعت: وبعدين طلبت منه كذا مرة ينزلني، وقف في مكان كله عربيات شحن كبيرة، ونزلت واديته 260 جنيه قعد يقولي ممكن تدفعيلي 500 ده تمن الرحلة، قولتله هو مش حضرتك نزلتني في اللوكيشن القديم اللي بتقول عليه يبقى ليه أدفع سعر الرحلة، قالي ماليش دعوة ده حقي لازم تدفعي، قولتله ممكن الشنطة عايزة ألحق الطيارة قالي مفيش شنطة غير لما تدفعي.
واختتمت: بعدين قعد يزعق وأنا عايزة حد يلحقني، بس كان كله عربيات ولو كنت بعدت كان ممكن ياخد الشنطة ويمشي بالعربية وماما واخواتي كانوا معايا على التليفون وسامعين الخناقة، وهو عمال يزعق ورافض يديني شنطتي، قالولي إديله الفلوس وهنتصرف بعدين فاديته الفلوس وخدت الشنطة ومشي وفضلت واقفة في الطريق بالشنط لحد ما واحد تاني جالي.