حلت الفنانة علا غانم ضيفة على أحد البرامج الإذاعية، وتحدثت عن كواليس فيلمها الجديد أولاد حريم كريم، بجانب تعليقها على أزمة الناقد الفني طارق الشناوي، والفنان مصطفى قمر.
أبرز تصريحات علا غانم
ونستعرض لكم أبرز تصريحات علا غانم:
– بيفرق معايا أعمل دور أم لـ ممثلين كبار، وزمان جدًا جالي دور أكون أم لبنت وللأسف معملتش الدور لأنها كانت كبيرة جدًا وأنا قصيرة وقليلة، قولتلهم مش هعرف اخدها على حجري يا جماعة.
– أنا معنديش أي تحفظات على إني أعمل أم، لكن عايزة أعمل أم قد بناتي.
– فيلم أولاد حريم كريم أحسن من الجزء الأول حريم كريم، لأن عندنا مواضيع أشمل وأكبر من إننا بنجري ورا واحد، وبنقدم جيل جديد وإيه مشاكل الجيل الجديد والقديم.
– أنا مفتقدة طلعت زكريا جدًا وعمر ما حد هيملى فراغه وده حال كل فنان، عمر ما حد بيرحل عن عالمنا حد بيعوض مكانه، كل واحد له الطابع بتاعه.
– أنا بقالي فترة غايبة، ورجوعي دلوقتي وأنا فنيًا مرتاحة ومتطمنة من خلال فيلم أولاد حريم كريم، وفكرة إني أرجع بيه كان قرار صعب جدًا واتعرض عليا حاجات كتير ولكني كنت بقول لأ دي مش عودتي.
– أنا خوفت من فكرة الجزء الثاني، ولكن فكرة الفليم بعد 18 سنة أننا كبرنا فمكنش في ميك آب محتاجين نعمله، خلاص العامل الزمني حط بصمته على الوجوه.
– بعيدًا عن النقد اللي بيتقال.. أنا شايفة صفة عمالة تتفحل من وقت الثورة وشايفة إننا كمجتمع قاسيين جدًا على بعض ومابقيناش رحماء مع بعض أبدًا ومبقاش في حد بينتقي الألفاظ وبقينا جارحين لبعض أوي، مع إننا المفروض نكون لُطاف، البشر محتاجة تطبطب على بعض أكثر من كده، حتى لو هقول لحد أنت مش عامل حاجة واو ولكن متجرحهوش.
– القسوة ممكن تأذي حد في مستقبل بالكامل وتأذي نفسيته، لما يتقال دول جار عليهم الزمن ومش مطلوبين ده مش نقد، ده تجريح وتكسير نفسية، ده أنت بتحطمنا نفسيًا، أتمنى نبقى ألطف من كده مع بعض.
– الدنيا كانت هادية في كواليس أولا حريم كريم، خصوصًا أننا بنعرف بعض من سنين، في كيميا ما بينا وبنسترجع ذكريات 18 سنة، وقد إيه كان في فرق في تفكيرنا، وإحنا كبرنا 18 سنة ودا مخلينا نتخطى حاجات صغيرة كان ممكن توقفنا، عندنا استيعاب للأمور أكتر.
– بسمة مش حمامة سلام في الفيلم هي كانت حمامة سلام في جروب الواتساب، كنا ساعات نختلف في الآراء بعد انتهاء الفيلم هي هادية وطول الوقت بتهدينا، ياريت لو في كتير من بسمة في مصر الدنيا هتتغير
– أنا بنسى أن بشرى منتجة، بشرى زميلة قبل ما تكون تبع الإنتاج، هي شخصية طول الوقت بتضحك وبتغني.
