أعرب الفنان صلاح عبد الله عن حزنه الشديد لعدم المشاركة في أعمال فنية مع أحمد حلمي وكريم عبد العزيز.
وأكد صلاح عبد الله في تصريحات تليفزيونية، أنه سيرفض المشاركة معهم بعد تصريحاته، إذ قال: حظي قليل أني ممثلتش مع كريم عبد العزيز وأحمد حلمي، وهما صغيرين أو كبار ولو جالي شغل معاهم هعتذر بعد تصريحاتي كده لأن ممكن هما يكونوا مبيحبونيش، وصعب أن في حد مابيحبنيش.
وكشف صلاح عبد الله عن سبب عدم مشاركته في مسلسل كوبرا مع محمد إمام، إذ قال: محمد إمام جمبي وبقعد معاه كتير وكنت هطلع ضيف شرف معاه في كوبرا بس ظروف تصوير المسلسلات منعتني.
تصريحات صلاح عبد الله
كما تحدث صلاح عبد الله عن عدم مشاركته في مسلسل الضاحك الباكي، موضحًا: مكنتش مرشح للعمل من الأول، وأول ترشيح كان عابد فهد بس هو له أصول العربية، والناس هي اللي اختارتني وكتبت أن صلاح عبد الله وكنا داخلين نصور والمنتج قال لي هنطلعه في رمضان، قولت إزاي بينا وبين رمضان شهر، ونفسي لسه أمثل مع نجيب الريحاني، وبعدها المشروع اتعطل وأوسكار خدوه وعرضوا عليا وبعدين اكتشفوا أن في مشاكل بين المخرج والمؤلف.
سبق وأشار صلاح عبد الله، أن عائلة السبكي أنقذت السينما المصرية، وذلك في تصريحات تلفزيونية سابقة، قائلا: السبكي كان بيقدم أفلام في وقت مكنش في إنتاج أفلام كان هو شغال ولوكيشن التصوير في جيش عمال بيسترزق والناس بتشوف اللى على الشاشة بس ولكن السبكي كان مخلي الحركة دايرة وممكن النقاد في تحفظات ولكن في حالة التشغيل كان مهمة في الصناعة.