يستعد المطرب مُسلم لطرح أحدث أعماله الغنائية والتي تأتي باسم سابوك في البيت، والتي من المقرر طرحها خلال الفترة المقبلة عبر قناته الرسمية بموقع يوتيوب.
وروج مُسلم لأغنية سابوك في البيت عبر حساباته بمواقع التواصل الاجتماعي، حيث كتب: جاهزين لـ سابوك في البيت؟ خلال أيام إن شاء الله”.
تصريحات مُسلم
وفي وقت سابق، كان قد كشف الفنان مُسلم أنه لا يحب أن يتابع السوشيال ميديا ولا يحب أن يشارك في التريندات التي انتشرت خلال الفترة الأخيرة، وقال مُسلم في تصريحات خاصة لموقع تحيا مصر: أنا مُقل جدًا على السوشيال ميديا ومحدود على عائلتي والناس اللي بيتبعوني بس وبعتبرهم عائلتي ، وأخري في السوشيال ميديا اني ارد على جمهوري بس.
مُسلم: مش بحب السوشيال ميديا تتحكم فيا
وتابع مسلم: ومش بحب ابقى منساق تحت أي تريند وبحب أكون أنا المتحكم في كل حاجة وبالذات السوشيال ميديا ومش بحبها تتحكم فيا، و السوشيال ميديا بتخلي الواحد بتصحى من النوم وتشوف ايه اللي بيحصل وفايتك وتدور وببقى بتلف في دايرة معينة.
وكشف مُسلم في تصريحات خاصة لموقع تحيا مصر أنه يعتبر أغنية اتنسيت هي الفارقة في مشواره الفني وأوضح مسلم: أغنية اتنسيت فارقة في مشواري الفني، وهي تاني خطوة ليا بعد أغنية هنيالك اللي نزلت في 2018.
كما تحدث مُسلم عن فترة اعتزاله الغناء وقال: بعد فترة التغبط واعتزالي وبعدت الفترة دي ومسحت كل شغلي من على اليوتيوب ومواقع التواصل الاجتماعي كان عندي هاجس وقتها إني مش هرجع تاني والناس مش هتفتكرني، لكن أغنية اتنسيت جت الموازين كلها، ورغم إني بعدت واعتزلت بس الأغنية دي رجعتني للجمهور تاني.
مُسلم: التلحين بيدي روح للأغنية
كما كشف مسلم أن التلحين يأثر عليه في الأغاني بعض الشئ،موضحًا أنه يحب أن يمارس في أوقات فراغه الموسيقى، وقال مسلم: بالنسبالي كلام الأغنية أهم حاجة بالنسبالي لأن ده شئ أنا بحسه من صناعة الاغنية وأول حاجة بتكتب الأغنية وبعدين التلحين بيديله روح وبعد كده المغني بيحط احساسه عليه.