ريهام سعيد في عيد ميلادها: “من أغرب سنين حياتي وأقرب الناس اتخلوا عني”
احتفلت الإعلامية ريهام سعيد اليوم بعيد ميلادها، حيث شاركت متابعيها صورة عبر صفحتها الرسمية على موقع تبادل الصور والفيديوهات أنستجرام قائلة إن عيد ميلادها هذا العام كان من أغرب سنوات عمرها.
ريهام سعيد
ماعنديش أصحاب خالص ولا قرايب
وشاركت الإعلامية ريهام سعيد متابعيها عبر صفحتها الرسمية على موقع تبادل الصور والفيديوهات إنستجرام حيث قالت: “النهاردة عيد ميلادي، والسنة دي من أغرب السنين في حياتي لأن برغم من أن ماعنديش أصحاب خالص ولا قرايب قريبين مش حاسة إني لوحدي ، بالرغم من أن عدت عليا سنوات تألق ونجاح أكثر من دلوقتي إلا أن أنا حاسة إني راضية ومرتاحة ، بالرغم من أني عرفت أد أيه الناس وحشة”.
وأضافت: ” مبسوطة إن حياتي مفهاش حد وحش بالرغم من أن أقرب الناس اتخلوا عني لأني حاسة إن ربنا معاية ، من أجمل الحاجات أن الواحد يقدر يبقى عنده القدرة إنه يبقى مبسوط وهو بيقول لنفسه كل سنة وأنا طيب وأنا فعلا طيب ومش بأذي حد ولا بحقد على حد ولا عايزة حاجة من حد، ربنا جميل قادر يريحك حتى لو إنت لوحدك لأنك في واقع الأمر أنت مش لوحدك أنت معاك ربنا، الحمد لله”.
