خالد حماد عن فكرة تقديم أفلام الـ 5 دقايق: الشباب عاوز كده.. وشبه ريلز انستجرام اللي بيحبوه
أعرب الموسيقار خالد حماد عن سعادتة بفكرة أفلام الـ 5 دقايق، وذلك بعد عرضها خلال مهرجان سينما بردية الومضة، مشيرًا إلى أنها على ذوق الشباب خلال الفترة الحالية.
وقال حماد: حاجة مهمة أن يبقى في سينما قصيرة بتعرض حاجة لـ الشباب لأنهم بقوا عاوزين كده، حاجه كده شبه ريلز إنستجرام اللي بيحبوها، وأنا سعيد أن عندنا التطور ده في مصر.
خالد حماد يعلق على شائعات وفاة عادل إمام
وفي سياق آخر تحدث خالد حماد عن الشائعات التي تزعم كل فترة وفاة الزعيم عادل إمام قائلًا: أخذنا على أخبار وفاة الزعيم عادل إمام وإنه بيطلع شائعات من وقت للتاني لأجل الترند، بس أستاذ عادل بخير وهو بيستمتع بالحياة مع أسرته وأولاده، وأنا من وقت للتاني بيجيلي نفس السؤال عن صحة الزعيم فأسأل رامي يقولي تعالى شوفه وقريب هكون في زيارة ليه، وأنا كنت محظوظ بالتعاون مع الزعيم عادل إمام من أول فيلم أمير الظلام، ودا شرف كبير أوي ليا، وهو برج الثور زيي.. وكنا بنصور أحد الأعمال في باريس واحتفلنا بعيد ميلادنا مع بعض ودي حاجه مش قادر أنساها.
مهرجان بردية الومضة
جدير بالذكر أن مؤسسة بردية للثقافة والفنون نظمت المهرجان في دورته الأولى وهو تحت رعاية وزارة الثقافة المصرية، ويرأسها الكاتب الكبير عبد الرحيم كمال ومؤسس ومدير المهرجان الكاتبة عزة أبو اليزيد، وكانت ضيفة شرف حفل الافتتاح الفنانة سوسن بدر، وتمت فعاليات الافتتاح بالمركز الثقافي الروسي بحضور لفيف من نجوم الفن والثقافة.
