حلت الفنانة نهى العمروسي ضيفة على برنامج “كلام الناس”، الذي تقدمه الإعلامية ياسمين عز عبر قناة mbc مصر، والتي كشفت من خلاله مجموعة تصريحات جريئة وغريبة لأول مرة بعد 6 سنوات غياب عن ظهور على الساحة الفنية،
تصريحات نهى العمروسي مع ياسمين عز
- بهرب من الظهور في البرامج بسبب قلة أعمالي وقيمتي أكبر من اللي بيتعرض عليا.
- كنت بعيط الأول أما يجيلي دور أي كلام لكن دلوقتي مش بتقهر عشان أنا قيمة كبيرة.
- مفكرتش أطلب من حد شغل عشان عندي كرامة والدور لازم يجيلي لحد عندي.
- الجواز بيندم وأسعد لحظة فيه هي الطلاق.
- كنت متربية على الحرية وربيت بنتي على كدة وغلطت في تربيتها وكنت أم معندهاش وعي.
- المجتمع الشرقي ذكوري ومتعايش مع إن الراجل يصاحب على مراته.
- تجربتي في السجن مهمة واستفادت منها كتير.
- التحاليل أثبت إني مش بتعاطى مخدرات وتغير شكلي كان بسبب الغدة الدرقية.
- حظي قليل في الحياة لكن بتقبل لأي مصيبة تحصل.
- أنا بعيدة عن السوشيال ميديا تماما ومبحهباش.. الناس كلها باصة على الموبايلات الأمهات والأبهات والأطفال، هبل وعدم وعي وإدمان بيتعالجوا منه برة.
- جبت لنفسي مصايب سودة حتى السجن.
- الألم والوجع والظلم بيعمقوا البني أدم وقبلت ناس كتير كويسة في السجن وحصلتيلي قصة لطيفة مع واحدة هتتعد وتجربة السجن مهمة جدا واستفادت منها.
- كنت عايزة أعمل براند أكسوسرز وبراند لبس بس مكنش معايا فلوس.
- المجتمع الشرقي الرجولية زيادة عن اللزوم فبيدوا حقوق للرجالة أكتر من الست فبتتظلم جدا لدرجة إنه ممكن يصاحب على مراته عادي والناس متعايشة مع التفضيل ده عادي ودا بيقلل من قيمة الست.
أخر أعمال الفنانة نهى العمروسي
من ناحية أخرى، كانت أخر أعمال الفنانة نهى العمروسي مشاركتها في مسلسل “الخانكة”، والذي تم عرضه في عام 2016، وشاركت فيه إلى جانب كلا من النجوم غادة عبد الرازق، ماجد المصري، فتحي عبد الوهاب، كارولين عزمي، وميرهان حسين وسماح أنور، وغيرهم من النجوم، ودرات قصته حول مُعلمة تربية رياضية اسمها “أميرة” تعمل في مدرسة دولية، تتعرض أميرة للتحرش من قِبَل أحد الطلاب، وفي إطار سعيها للحصول علي حقها تتحول هي إلي الجاني بدلًا من المجني عليه.
