قدم المخرج محمد سامي، نصيحة لـ جمهوره، يؤكد من خلالها أن نصر الله دائما ما يكون حليفنا، لذلك لابد أن لا نخاف من التجربة، ونحرص على ملء قلوبنا بالمحبة والخير تجاه الجميع، حتى من أذونا وحاربونا.
وشارك محمد سامي صورة لـ آية من القرآن الكريم، عبر حسابه الشخصي بموقع الصور والفيديزهات القصيرة انستجرام، وكتب عليها قائلًا: ما تخافش إنك تجرب وتقول لحسن أقع، لأن نصر الله ليك هيقومك تاني ويخليك تلمس السحاب لو أراد.
وأضاف: ماتهتمش لو حصلك في يوم أزمة ولقيت ناس بتشمت فيك، لأن ده بيخلي ربنا يبقي حليفك وينصرك عشان هو العدل، المهم إنه بعد نصره ليك إوعى تتغر وتكون شايل في قلبك كراهية وانتقام تجاه الناس، وحتى الناس اللي حاربوك أو شمتوا فيك.
وتابع: بالعكس، خلي قلبك مليان محبة وخير، عشان ربنا ينصرك تاني وتالت ودايما، الكراهية بتجيب فشل وعدم تيسير ووقف حال، والمحبة بتجيب نجاح وتيسير وخير ورزق، اللهم اجعل قلوبنا عامرة بالمحبة والخير ونظف قلوبنا من الشر والانتقام.
واختتم محمد سامي كلامه، داعيًا الله أن يحقق للجميع أحلامه وطموحاته، حيث قال: يا رب حقق لكل واحد بيحلم حلمه وطموحه، ومتخليش حد يعيش في كرب بسبب عدم تحقيقه لما يتمني، يا رب ارزق كل الناس ونجحهم وارزقهم التيسير والقبول.
مسلسل جعفر العمدة
والجدير بالذكر أن يعيش المخرج محمد سامي خلال الفترة الحالية، حالو من النجاح الفني، حيث حقق مسلسله جعفر العمدة، نجاحًا كبيرًا، والعمل من بطولة عدد كبير من نجوم الفن، أبرزهم محمد رمضان، وإيمان العاصي، ومي كساب، وأحمد داش، وهالة صدقي، وغيرهم الفنانين.