الشيخ محمد أبو بكر يسخر من متصلة: هو الجن تخصص مصريات بس ولا غاوي نكد يعني؟
تلقى الداعية الإسلامي الشيخ محمد أبو بكر، اتصالًا هاتفيًا من مواطنة تقول فيه: «أنا آنسة، وبقالي حوالي 6 سنين بحس إن في حد بيعاشرني وأنا نايمة، وروحت لأكتر من شيخ ولكن مفيش فايدة، والأمر توقف فترة ورجع مرة تانية».
و بدأت إجابة الشيخ محمد أبو بكر، بسؤال المتصلة ما اذا كانت تصلي أم لا؟ فأجابته بانها تحافظ علي أداء الصلاة في وقتها، ثم أكد الشيح علي أنه في هذه الحالة يكون العلاج في المحافظة على قراءة الفاتحة 111 مرة، وآية الكرسي 111 مرة، على كوب من الماء، ثم شربها لمدة 7 أيام، دون اللجوء إلى الدجالين أو المشعوذين.
ووجه أبو بكر، مستمعيه إلىضرورة التمسك بالقرآن الكريم، والبعد عن طرق الدجل والشعوذة، موضحا أن هذا الطريق أوله سراب وآخره خراب، ولن يجني سالكه إلا الهم والغم والحزن.
وأكمل أبو بكر: «الجن مش فاضيلنا يا جماعة، الله يرحم سيدنا الشيخ الدكتور عبد البديع أبو هاشم، لما كان بيدرسلنا في التفسير وإحنا طلبة، كان بيقولنا يا ولاد عمري ما سافرت بلد أجنبية ولقيت واحدة حلوة كده جاية تقولي الجن جه جنبي ولا الجن عملي، هو الجن تخصص مصريات بس؟!.. واخد توكيل مصري بس؟!.. غاوي نكد يعني؟!».
و أكد الداعية الإسلامي، أن كل هذه الأفعال هي من فعل الشيطان، موضحا: هتقولي طيب ما أنا بصلي وبصوم وبعبد ربنا، الشيطان هيجيلي منين؟، هقولك الشيطان مش هيروح للي في الخمارة ولا اللي في بيت مشبوه ولا العريان، لأنه ضامنهم، الشيطان ميروحش غير للمؤمن علشان يضله، بدليل إنه قال لله جل وعلى: (ثُمَّ لَآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَائِلِهِمْ ۖ وَلَا تَجِدُ أَكْثَرَهُمْ شَاكِرِينَ).
