ابنة حسن أبو السعود ترد على اتهام والدها باقتباس “هم تيكا تيكا” من عبد الوهاب الدوكالي
علقت رنا أبو السعود، ابنة الملحن الراحل حسن أبو السعود، على اتهامات اقتباس والدها كوبليه “هم تيكا تيكا هم هم”، الشهير في أغنية والله ولعب الهوى، لـ الراحل أحمد عدوية، من المطرب المغربي عبد الوهاب الدوكالي.
وقالت ابنة حسن أبو السعود، في تصريح خاص لـ القاهرة 24: أنا سمعت أغنية مرسول الحب كتير، مفيش من قريب أو من بعيد حاجة تمت بصلة لـ هم تيكا تيكا هم، والرواية اللي والدتي قالتها وقت الحفلة في باريس كان أستاذ أحمد عدوية ووالدي رئيس الفرقة قال أنا هخترع جملة جديدة يا أحمد، والفيديو موجود على اليوتيوب، مع احترامي للفنان العظيم عبد الوهاب الدوكالي.
وأضافت: هم تيكا تيكا هم هم، من اختراع حسن أبو السعود فقط لا غير، وحتى لو هو مقتبسه زي ما أستاذ عبد الوهاب لما اقتبس تقريبًا كل حاجات من ألحان تانية، كل فكرتي في الموضوع إن صوت والدي اللي في الفيديو حتى لو هو اللي أعاد إحيائها فالفضل يرجع ليه، إحنا عمرنا ما كنا هنسمع عن الأستاذ الدوكالي في هم تيكا تيكا هم هم.
واستكملت: دلوقتي دياب ليه الفضل في إنه أعاد إحياء الأغنية من جديد، هل هنقول أنه سرق الأغنية؟، أكيد لأ، ومع احترامي للفنان العظيم عبد الوهاب الدوكالي، ولكن شهرت أحمد عدوية وحسن أبو السعود أكثر بكثير في الوطن العربي.
