إيناس الدغيدي: رفضت الزواج من صديقي المثلي جنسيًا.. وبحب أشوف الفنجان
فجرت المخرجة إيناس الدغيدي تصريحات جريئة خلال ضيافتها على برنامج أسرار والذي تقدمه الإعلامية أميرة بدر على قناة النهار، من بينها عرض زوجها المثلي الجنسية الزواج عليها.
إيناس الدغيدي: رفضت الجواز من صديق ليا كان مثلي الجنسية.. كان راجل محترم وبيعمل خير
قالت إيناس الدغيدي في تصريحات رصدها موقع تحيا مصر: “عرض زواجي من صديقي المثلي جنسيًا رفضته، هو كان صديق بره عايش في ايطاليا، وكان سنه كبير، وعارف اني عارفة، وكان عايزنى عشان ابقى رفيقة، لان سننا مش بتاع شهوة، وضحكت لما عرض عليا، ويمكن يطبطب عليا وجنبه حد تاني من جنسه، ومكانش يعرف رد فعلي وحولت الموضوع هزار، كان رجل عربي، وصديقي ورجل محترم وبيعمل خير”.
إيناس الدغيدي: لازم واحدة كل شهر تجيلي تقرألي الفنجان واللي بتقوله بيتحقق
وأضافت إيناس الدغيدي في حديثها: “عمري ماحسدت حد، وبحب اشوف الفنجان، وكل شهور واحدة بتجيلي تقرالي الفنجان، لاني مقتنعة اني اللي بشوفه بحققه، واخر مرة من اسبوع واحدة قالتلي هيجيلك موبيل هجدية، قلت ايه الهبل ده، بعدها جالي تليفون هدية فعلًا، استغربت جدًا، وفيه حاجات كتيرة بتتحقق، ورأيي في ليلى عبد اللطيف هي صديقتي لكن شافتلي مرة ومتحققش، عندي شراهه للسفر، لما برجع من رحلة بفكر في اللي بعدها، وانا حاليا في آخر حياتي عايزة الف العالم، يارب ابعتلى مليون دولار عشان الف العالم، ونفسي اشتغل مع الهام شاهين مسرح لانها خريجة مسرح ولغتها كويسة”.
موقف ايناس الدغيدي من الزواج من رجل متزوج
وسبق وكشفت إيناس الدغيدي موقفها من الزواج من رجل متزوج، حيث قالت: “لا يمكن ابقي زوجة ثانية، لكن ممكن ابقى حبيبة، تفرق كتير، لان الحب اوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية اشوفه مرتين في الاسبوع، لكن لو ساب وجه هتجوزه بس مش هقوله اعمل كده، مش هحب بدون ارادة، انما لو مخططة وراسمة ده مش حب”.
جدير بالذكر، أن برنامج أسرار تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
