تحدثت الفنانة الشابة إلهام صفي الدين عن تكريم إلهام شاهين في مهرجان الإسكندرية السينمائي لدول البحر المتوسط، قائلة: فخورة بيها وهي أهم فنانة في الوطن العربي.
وقالت إلهام صفي الدين خلال حوارها مع القاهرة 24: حاسة أني هطلع زي إلهام شاهين.. وهسمع كلامها ومش هسكت وهي أعظم فنانة في مصر والوطن العربي.
وأضافت إلهام صفي الدين: بشوف أنها فنانة عظيمة.. واستفدت منها كل حاجة وبتديني نصايح كتير، ومش في دماغي دلوقتي الجواز.. اللي في دماغي دلوقتي شغلي.
تكريم إلهام شاهين في مهرجان الإسكندرية السينمائي
وكُرمت أمس الفنانة إلهام شاهين في حفل افتتاح مهرجان الإسكندرية السينمائي لدول البحر المتوسط، وقالت إلهام شاهين أثناء تكريمها: مش عارفة أعبر عن سعادتي قد ايه النهاردة إحساس جميل جدًا.. وكل مهرجان سينما بيتعمل هو عرس للسينما.
وأضافت إلهام شاهين: وأنا النهاردة حاسة أني عروسة وصاحبة الفرح.. وبرحب بكل ضيوف الفرح وكل المعازيم، وبرحب بكل زمايلي وأساتذتي من الفنانين، وبقول للمكرمين كلهم ألف مبروك وبتمنى للكل التوفيق.
واستكملت إلهام حديثها: السينما والفن دول أحلى حاجة في الدنيا.. يعني الفن أجمل حاجة في حياتي واداني كل حاجة حلوة في حياتي المكانة والقيمة والثقة في الناس، وأفلامي هي أولادي وحبكم اللي هو أعظم نعمة وأكبر حاجة ممكن الإنسان يحصل عليها، أنا بشكركم من كل قلبي وكل جمهوري واللي شجعني طول عمري ووقف معايا دايما.