كشف منظم الحفلات إسلام لطفي عن سعادته بنجاح حفلة الفنانة نيكول سابا بأسيوط وحفلة فريق شارموفرز والفنان مصطفي حجاج بالقاهرة وحفلة هشام عباس بالإسكندرية وان جميع حفلاته كانت في يوم واحد وكان ذلك تحدي من وجهة نظره.
بيان إسلام لطفي
وقال إسلام لطفي في بيان صحفي: حفلة نيكول كانت حفلة حلوة هي كانت مبسوطة ومتحفزة جدًا إنها تأدي للجمهور بتاعها في أسيوط وانبسطت جدًا لما قولتلها إحنا نعمل حفلة في أسيوط للجمهور بتاعك وفاجاءت الكل وعملت أغنية جديدة مخصوص وكانت بتنزلها وكان حظنا الحلو إنها كانت لسه بتنزل.
تصريحات إسلام لطفي
وتابع، أنا بقى في التجهيزات قعدنا نفكر شوية حلوين نجهز ونعمل حاجة تبقي بالجمهور في أسيوط والفنانة وعملنا ديزاين حلو للحفلة واشتغلنا على الناس تدخل إزاي وتخرج ازاي وتأميناتهم من غير أي مشاكل تحصل ولا أي حاجة.
وأضاف، أن التحدي الاساسي كان إقامة حفلات لأربع نجوم في يوم واحد وان ردود الأفعال فاقت التوقعات.
آخر أعمال نيكول سابا
وكانت آخر أعمال نيكول سابا طرحها مؤخرًا أحدث أغانيها باسم “خِلصت خلاص” كأول أغنية لها خلال الموسم الصيفي ضمن سلسلة من الأغنيات التي تنوي إطلاقها على مدار الصيف.
وطرحت نيكول أغنية “خلصت خلاص” مع الشاعر الغنائي مصطفى حسن الذي كتب الكلمات والأغنية من ألحان مصطفى العسال، والإنتاج الموسيقي والميكس والماستر لأماديو وهندسة صوت لوسام فؤاد، وتقول كلمات الأغنية: كنت أعمل قد ما بعمل
ومفيش ولا حاجة عاجباه
ياما قابل حبي بلا مبالاة
كان لازم نطرده من قلبي
واقفل بالقفل وراه
ده الحب بلاه لو بالإكراه
دموعي مبقوش ينزلوا
بشوفه شفاف بهمله
احوالي بعده اتحولوا
وللاحسن بكتير
برة من قلبي اترمي
والحب لو ليه محكمة
مشاعره تطلع كلها
كلها غش وتزوير
آه
أنا نسيته بلا رجع مافيش ولا دمعة
هتنزل ع الاشكال دي
هانسي واعدي علي ايه هتعب قلبى ومخي يجيب ويودي
بالنسبالي مابقاش موجود
واعتذاره مرفوض مرفوض
لو عاش عمره يعتذرلي هيخلص عمره ومش هيقضي
ياما كنت بحذره
حبي كنز هتخسره
ارجع ايه بتهزروا
لأ ده كان زمان
كان فيه حب وموته
رجلي نساها سكته
ده الفراق كان رغبته
دلوقتي ليه ندماااان
آه
أنا نسيته بلا رجع مافيش ولا دمعة
هتنزل ع الاشكال دي
هانسي واعدي علي ايه هتعب قلبى ومخي يجيب ويودي
بالنسبالي مابقاش موجود
واعتذاره مرفوض
