مع بداية المدارس وعودة الروتين اليومي، بتدور كل أم وأسرة على طرق ذكية لإعداد اللانش بوكس للأطفال أو الكبار بشكل صحي، وفي نفس الوقت اقتصادي.
في هذا التقرير، نستعرض أفكار عملية تساعدك تقللي التكاليف وتحافظي على التنوع الغذائي.
1- حضّري الأكل في البيت
– الأكل الجاهز غالي وغالبًا مش صحي.
– تجهيز السندوتشات والوجبات البسيطة في البيت أوفر وأأمن.
2- اعتمدي على الفواكه الموسمية
– الفواكه في موسمها سعرها أرخص وطعمها أحلى.
– قطعيها مكعبات صغيرة في علب أو حطّيها كاملة (تفاح – موز – برتقال).
3- استغلي بواقي الأكل
– بواقي الفراخ أو اللحمة ممكن تتحول لسندوتشات أو سلطات.
– الجبنة والخضار ممكن يتعملوا فطائر سريعة.
4- اشتري بالجملة
– شراء البسكويت الصحي أو العصائر الطبيعية بالجملة أوفر من القطع المنفردة.
– حضّري “سناكس” منزلية زي فشار أو بطاطس مخبوزة.
5- بدّلي البروتين
– مش لازم لحمة أو فراخ يوميًا، البيض والتونة والجبن بدائل أوفر وأفيد.
6- حضري أسبوعك
– اعملي خطة أسبوعية للوجبات عشان تشتري المطلوب بس وتتفادي الهدر.
