أول تعليق من علي الحجار بعد تبني وزارة الثقافة مشروعه 100 سنة غُنا
أعرب المطرب علي الحجار عن سعادته الكبيرة بتبني الدكتورة نيفين الكيلاني، وزيرة الثقافة، لمشروعه 100 سنة غُنا، بعد نجاح حفله الأخير في الجامعة الأمريكية، مؤكدا على أن الوزيرة رحبت بفكرة المشروع، وأصرت على التواصل معه لإرضائه، ولدعم مشروعه الجديد، إيمانًا منها بموهبته ومجهوداته الكبيرة في هذا المشروع.
وفي أول تصريح لـ الفنان علي الحجار، قال لـ القاهرة 24: إمبارح الوزيرة كلمتني، قالت لي إحنا عايزين نراضيك، بعد تعب 20 سنة عمال أهاتي أن حد يهتم بالموضوع، أنا شغال على مشروعي وعلى أغاني بليغ حمدي، أنا شغال على المشروع ده من 2002، مفيش سنة عدت غير لما أذكر الموضوع، وكنت في حفلاتي بقدم تاريخ الأغاني في مصر والمراحل وظروف مصر السياسة في وقت طرح الأغنية دي، كتر خيرها وزيرة الثقافة جبرت بخاطري.
علي الحجار يُعلق على تبني وزيرة الثقافة لمشروعه 100 سنة غنا
وأردف علي الحجار: الوزيرة قالت لي أتبعت لي فيديوهات من الحفلة بتاعتك في الجامعة الأمريكية، وحبك لمصر كان باين فيها، لأن أنا بعمل ميدلي بأغاني عن الانتصارات المصرية، وقدمتها في الحفلة والحضور تفاعلوا معي بشكل رائع ورفعوا الأعلام والناس فضلت تهتف، وأجواء الحفلة كانت مميزة جدًا.
